北京改口，去頭銜直呼日相

9月30日，中國外交部喺例行發布會回應涉日問題時，發言人郭嘉昆首次冇用「日本首相」頭銜，直接呼高市早苗名。呢係高市早苗接連發表「觸碰紅線的涉華挑釁言論」後，北京喺公開表態中首次去掉其頭銜、直呼其名。

帕帕羅：最好唔使開戰

喺呢個時候，美國亞太司令帕帕羅喺一次公開專訪中，將「拒止嚇阻」（deterrence by denial）視為防範台海衝突嘅核心，目標係令中國相信武力犯台很可能遭阻止。佢指，若嚇阻失敗，將出動精準無人機搭配傳統飛彈火力，形成所謂「地獄景象」（Hellscape）。帕帕羅援引《孫子兵法》，話「不戰而屈人之兵」係最高嘅軍事技巧，「任務成功」唔係打贏一場仗，而係提供足夠嚇阻能力，令雙方根本唔使開戰。

黃岩島：持續警巡

同時間，南部戰區喺黃岩島組織海空兵力展開戰備警巡。據海上追蹤數據，中國部署喺該海域嘅前線軍艦，喺距海域約30至40海浬處攔截菲律賓船隻，並持續標記、追蹤馬尼拉嘅行動。

硬蕉抽兩句

北京話要「堅決打擊」，華盛頓話「不戰而屈人之兵」；一個明言要進入行動，一個話最好唔使開。兩邊都話自己準備好，又都話自己唔想真係開。呢就係2026年嘅亞太「穩定」——各位，綁好安全帶，坐定定。

硬蕉哥整合｜頂硬上