英國 Suffolk 嘅 35 歲女子 Charlotte Jeffery 前陣喺屋企揾到一段 2022 年錄製但從來冇發佈嘅超市購物片段，佢一時興起，決定照住當時完全相同嘅清單，喺 Tesco 再買一次，比嚇四年後嘅賬單。
結果，成張單由 £10.96 變成 £15.82，貴咗 44.3%。佢喺 2022 年嘅挑戰係「一週 £10 食飽飽」，當年 £10.96 已經算係買滿一車嘅紀錄；同樣嘅嘢，放落今日，就差不多係多咗 £5。佢形容物價「貴到荒唐」（ridiculous），仲話身邊好多人已經要靠刷信用卡先夠錢食。
西蘭花由 49p 貴到 90p、baby spinach 由 93p 貴到 £1.30、Kale 由 39p 貴到 80p，成個蔬菜棚都冇得廉。
呢段影片上咗 TikTok，超過 170 萬次觀看，加拿大、美國、法國、西班牙、克羅埃西亞、荷蘭、澳洲同紐西蘭嘅網民都跟住買同一籃菜比較。Charlotte 話見到咁多國家的人都面對同樣嘅食米壓力，「好 humbling」。
硬蕉抽兩句：Charlotte 自己講，依佢「簡單估算」，薪酬漲幅追唔上 44% 嘅食米升幅，又話英國嘅個人免税額（personal allowance）由 2022 年至今冇郁過。呢個唔係政治分析，係佢自己喺片度講出嚟嘅原話——用 £10 買滿一車嘅年代，四年前嘅事。
硬蕉哥整合｜頂硬上
