2026 年 11 月 6 日（星期五），英國《刑事與警察法》（Crime and Policing Act）新增條文正式生效，將一系列性行為內容納入刑事犯罪，包括下載或發佈涉及窒息、近親亂倫角色扮演等內容。隨法生效，成人影片銷售平台 Clips4Sale 隨即對大量現有影片作出限制，一覺醒來，成百條片就冇咗——連創作者自己都唔明白邊條片違規。
平台話：呢個係「預防性措施」，唔代表你的片違規
有創作者聯絡 Clips4Sale 申訴後，公開晒客服回覆截圖。平台統一回覆：「我們已就英國內容可視度實施一般性限制，以確保符合適用監管要求。此為預防性措施，並不代表你的影片包含禁止內容或違反平台政策。我們正繼續審核受影響內容，經審核後會逐條恢復向英國買家開放。」
法條字眼模糊——「窒息或勒死」「某些類型」嘅近親角色扮演——連創作者同粉絲都搞唔清邊線喺邊，有嘅仲似會涵蓋各類口塞、face sitting 同角色扮演。
創作者：我內容合法，點解都俾刪？
英國創作者 Sophia Truee 話，Clips4Sale 已隱藏佢超過 75% 嘅內容——506 支片入面 392 支——平台話要「編輯」，但冇指改邊度。Truee 拍嘅係 POV 內容，大部分係佢一人對住鏡頭傾偈，根本唔涉及新法列明禁止嘅情節。佢話：「當然我哋都知道新法要嚟，都預咗，但冇預過規模會咁大。之後冇再收到任何通知，佢哋照常發 tweet。」
多名其他創作者喺社交媒體分享，自己內容明明唔違規，都照樣被 Clips4Sale 連片帶碟清走。
罰則：最高監禁五年，平台話「只限英國」
按新法，持有或發佈不合規內容，最高可判監五年。Clips4Sale 喺創作者後台話限制「只適用於英國，唔會影響其他市場」。但問題係，本身喺英國嘅創作者只要仲持有呢啲片，按法例理論上都觸犯條文。平台又話「取得進一步清晰度後，預期能恢復更多內容」——但創作者嘅錢，就喺呢個「後續」入面。
姣姐講多句
呢單事嘅荒誕，係平台用「預防性措施」做擋箭牌，將執法責任推落創作者身上——你唔知自己踩錯邊條線，但片已經冇咗，想返嚟？自己改返俾我睇。法條講「窒息」，邊個嚟界定正常同「suffocation」？平台話「取得進一步清晰度後會恢復更多內容」，但對創作者嚟講，每多一日冇片，就係多一日冇收入。
