英國一項由成人網站 Babestation 委託做嘅調查，問咗 1,000 名英國成人，結果出咗嚟連自己都估唔到：六分之一（15.5%）受訪者話自己曾經用過 AI 聊天機械人，同佢傾過情色、親密或者私密嘅對話。
講白啲，就係有人已經同 AI「拍拍」過。而且呢個趨勢未必收，27.5% 受訪者話未來願意考慮用 AI 做伴侶或虛擬對象，其中 18.5% 更話如果體驗夠真、夠私隱，願意出錢。
不過數據入面有另一個好值得玩味嘅數字：80.8% 成人話，如果真係要傾親密嘢，最終都仲想揀真人。講落去，大家寧願拍真人唔想拍 AI，但手已經伸過 AI 度先話「唔得」。
調查仲揭示矛盾嘅態度：65.6% 覺得 AI 伴侶可以幫人減少孤獨，但 78.9% 擔心 AI 會令人同真實關係更加脱節。49% 相信孤獨係人揾 AI 伴侶嘅主因。
Babestation 發言人承認呢種矛盾：「我哋唔係反 AI，我哋知道呢項技術吸引好多人，數據都見到大家已經喺用。真正嘅問題係，當 AI 伴侶變得越來越真，大家最終會珍惜咩？」發言人又補充：「研究顯示，而家真人嘅性格，同知道對面真係活生生一個人，對大家依然至關重要。」
網站模特兒 Beth Bennett 亦被問及，佢話好多人同佢傾過成個晚，「佢哋同我講工作、感情、當日經歷過嘢，同啲唔好意思同其他人講嘅嘢。當然有撩，有時亦會走火入竅，但傾偈係好大一部分。你唔可以寫 code 寫出真嘅 chemistry。」
硬蕉抽兩句：80.8% 話「我想拍真人」，但 15.5% 已經同 AI 拍過、27.5% 話「未來想試」——呢個就好似一個人話「我絕對唔會點埋嗰個外賣 app」，但手已經喺度滑緊。數據無可辯駁，真人嘅「頂硬」優勢，唔係靠機密文件，係靠知道對面真係有一班人喺度睇緊你。
硬蕉哥整合｜頂硬上
