全球股災、台股連日重挫，台語歌手蔡家蓁自認短短三日帳面上「蒸發」超過200萬元。佢近年辛苦攞嚟嘅積蓄，一大部分都投咗入股市，面對呢個數，佢苦笑話「不敢再去計」，只肯講一句「未賣都不算賠」。

最巧合嘅係，佢部以「躺平」為主題嘅新歌《䖙》，正正為呢次災難配好對白。佢自認好似「快被股票逼到流落街頭」，於是索性將投資慘況同新歌連埋一齊，喺台北街頭展開「躺平」行動，替新歌做宣傳。

目前佢已經出現喺華山、善導寺捷運站、公園同田野等地，全部被路人拍下。佢仲表示接下來還會去信義區、西門町等熱鬧商圈快閃，並自嘲：「既然錢都躺平了，那我也來《䖙》一下吧！」

面對週一開市，蔡家蓁再發文：「人生就是哭著中彈，也要活著慶祝！股票可以綠，人生還是要努努力活著。」

姣姐講多句

「未賣都不算賠」呢個邏輯，其實我哋港人好熟悉——睇盤睇到心涼，就關走app，眼閉心寬，自欺欺人。佢用歌喺街頭躺平，表面係宣傳，實際係將自己嘅損失同大眾嘅共鳴連成一片。呢種將悲劇變娛樂嘅操作，雖然看似不負責任，但至少證明佢仲有心情笑自己。股票可以綠，人仲要行落去，講得過得。

黃姣姐整合｜頂硬上