Toyz（劉偉健）2024年5月因販毒案入獄服刑，11月3日獲假釋後遭強制驅逐出境返港。11月6日，妻子篠崎泫喺直播入面首次同Toyz鏡頭前同框，談起投資就抖出呢段「獄中預言」，剛好同台股一日重挫逾1873點、40000點大關失守對上。
據篠崎泫回憶，Toyz身處獄中期間仍持續關注市況，不時向她推薦買入或賣出嘅股票，包括英特爾（Intel）、聯電及台積電。出獄前最後一次見面，Toyz特別叮囑：「股票可以賣一賣了，接下來要開始跌了。」但篠崎泫當時並未當真，她坦言心想：「他人在裡面是懂個甚麼東西？」覺得市況無所謂，決定按兵不動。
台股重挫後，篠崎泫查看投資户口發現原本獲利嘅股票全部轉蝕，直播中崩潰：「我從來沒有看過我的股票是綠的，現在是綠的，我好難過！」Toyz聽完即追問：「我叫你賣，你沒有賣嗎？」她無奈回應：「你叫我買的我都有買，你叫我賣我沒賣……」
資料圖片：Pixabay
對於自己預測準確，Toyz坦言當時靠直覺做決定，並自嘲身在獄中根本睇唔到陰陽燭（K線圖），亦唔識技術分析。被質疑點解每次都猜中時，Toyz笑回：「我都是靠直覺在買的啦，賭博囉！」順手再補刀：「她這個就是錢不當錢的人啊，投資對她來説就是按一按。」篠崎泫聽完無言以對，露出佩服Toyz嘅眼神。
姣姐講多句：一個喺鐵窗後面睇唔到K線圖，靠「直覺」喊頂，準過一堆執業分析師；老婆偏偏當耳邊風，最後由賺變蝕，呢個反差真係比任何財經評論都犀利。講笑歸講笑，市場從來唔會因為誰入咗獄就講人情。
黃姣姐整合｜頂硬上
