SURFIVE 五子冼靖峰、黃奕斌、文佐匡、佘宗遙同黃星綽，近日首次以組合身份一齊出席《新城勁爆樂壇頒獎禮2026》記者會。呢天撞正萬聖節，黃奕斌、文佐匡、佘宗遙同黃星綽均打扮特別到場，唯有冼靖峰相對之下一臉平淡，被喺旁嘅 DEZ 笑話係「To be seen Archie Sin」。
黃星綽就大方騷手臂，佢話造型參考咗《Twilight》嘅吸血鬼，開胸衫仲專登一早怒操過手臂，解釋：「因為 to be seen，我要俾人睇到我嘅真心。」DEZ 則建議文佐匡大走女僕風。
問到開騷嘅冼靖峰會唔會照足兄弟哋除衫騷肌，佢答：「我係有練緊嘅，但係我又俾佢哋摸過，係冇成果嘅！放心！一定會 show 俾大家睇，但係除衫有好多種嘅，可以行中間⋯⋯」結果一旁兄弟即刻起鬨：「除褲啦！」黃星綽補刀：「佢個主題係睡房，我好想知佢平日喺屋企着啲乜嘢，究竟係孖煙囱定碎花褲？」冼靖峰笑住話自己平時喺屋企就着「一套老西」上陣，但會盡量安排 SURFIVE 合體。
講到今次首次以 SURFIVE 身份出軍頒獎禮，冼靖峰（Archie）話感覺很不一樣；黃奕斌則話好開心可以同兄弟齊齊出席，感覺有人陪伴互相支持。DEZ 提到佢首次參加頒獎禮係 2022 年，相隔一段日子再出席感觸良多，會 review 過去三四年的歌手生涯，更加努力。黃星綽話佢半年前出咗《POPSTAR》，將會再出新歌，文佐匡嘅 MV 已經拍完。
黃星綽扮吸血鬼除衫除到「to be seen」，冼靖峰着個老西就俾人起鬨除褲。
姣姐講多句：Archie，你個老西，有冇聽過「to be seen」四個字？想睇你「中間」除到幾多，記得叫姣姐坐第一排。
黃姣姐整合｜頂硬上
