東森電視益智節目《全民星攻略》早年出過一道關於「家庭關係」嘅題目，主持人蔡尚樺問：研究發現，父母通常會拜託邊一個子女來照顧自己嘅晚年？選項有三：A 賺最少嘅、B 最不受寵嘅、C 跟伴侶關係最差嘅。
題目揭曉嘅時候，來賓同電視機前嘅觀眾都大吃一驚。藝人聶雲估父母會傾向依賴「跟伴侶關係最差」嗰個，估錯咗；最後名醫孔繁錦鎖定「最不受寵嘅」，先至係正確答案。
點解父母會將晚年託付畀「最不受寵」嘅孩子？孔繁錦答題時以直覺推測，係一種微妙嘅「補償心理」：父母回首過往，意識到自己喺孩子成長過程嘅偏心、畀少嘅關愛，潛意識想將呢個「被虧欠」嘅仔女留喺身邊。
不過，答對嘅網友則有自己嘅睇法，留言一係狠辣一係自嘲：
「可以大小聲任意使喚，因為不會心疼。」
「受寵的捨不得他們做任何一點事，還要幫他們找理由。」
「B，然後把他搞成C，之後變成A。」
有人甚至引「10年前就有文章説日本研究」，話父母心中都有一個「犧牲他的未來與人生也沒有關係」嘅子女，長照就挑嗰個。
姣姐講多句：呢條題好舊，多年前就出過，但每翻出就一樣戳中人心。答案殘殘地揭穿一件事——家庭裡嘅偏心，會喺老來算數。真正好嘅家庭，唔應該令邊一個仔女覺得自己係「被犧牲嗰個」。
