上週，有超過 200 箱已經評分（graded）嘅收藏卡，喺送返俾藏家途中，喺加州聖安娜（Santa Ana）Professional Sports Authenticator（PSA）嘅總部門口，由一輛停緊嘅 FedEx 貨車上面被人成批搬走。PSA 向聖安娜警務處報案，指被偷嘅大部分貨物初步估值超過 96 萬美元（約 750 萬港元），並謂數字可能會隨查證而再上升。
講多少句， graded card 點解咁貴？PSA 係全球最大嘅獨立第三方運動同愛好收藏品評分機構之一，每張卡都有一個獨特嘅認證編號。呢啲卡包括 Pokémon 卡同體育明星卡，喺收藏市場上，一張高分評定嘅稀有卡可以炒到幾千、甚至幾萬美元，所以 96 萬美元呢個數並唔誇張。
PSA 母公司 Collectors Holdings 喺聲明中確認呢宗失竊，並指佢哋正與當地執法部門及 FedEx 合作調查。公司表示已通知市場合作夥伴，留意呢啲稀有同有編號嘅物品，防範被二次出售；同時已將所有已確認被偷嘅卡嘅認證編號全部停用。
更誇張嘅係，公司又話已聯絡受影響嘅藏家，按物品公平市值賠償，但「上限為每位客户喺送評前自行選擇嘅最高保險金額」。
YouTuber Sky-B Cards 喺上個週末發佈影片，自認係今次嘅受害者之一，並展示咗 PSA 寄畀佢嘅回覆。佢話佢花了 8,468 美元，將 104 張體育收藏卡送去評分，不少係「無可替代品」，佢選擇為該訂單投保高達 156,000 美元。至今未知佢實際收到幾多賠償。
另一位 YouTuber Boston Card Hunter 正協助整理一份被偷卡嘅共有清單，附上每張卡嘅詳細描述，方便其他藏家對照核實。
姣姐講多句：貨車就停喺 PSA 自己總部門口，200 幾箱全被人搬走，好似有人行去茶記門口，成車粉面俇人搬走而無人有發現咁。最諷刺嘅係，96 萬美元嘅卡停喺門口，連警鐘都冇響。
黃姣姐整合｜頂硬上
