日本氣象主播武藤彩芽日前喺《Weathernews LiVE》做播報，原本想用手機攪住資訊，點知臨場一滑，畫面冇照預期走，手機入面其他頁面意外被鏡頭照晒。
呢種直播嘅「放送事故」，通常係最尷尬嘅時刻。但武藤彩芽冇硬撐，而係當場露出無奈笑容，低頭處理咗好耐，最後索性把整個手機遮埋。嗰個看似嬌羞慌張嘅反應，同普通觀眾撞到手機出錯嘅第一反應冇分別，完全冇主播包袱。
就係呢個自然到爆嘅反應，令事變之後被整理上傳 YouTube 嘅片段，觀看次數一路衝爆 535 萬次，連冇睇過原直播嘅人都因而認識到佢。網民討論嘅焦點根本唔係手機嗰個頁面，而係佢如何處理呢個突發狀況——從錯愕、試處理，到最後忍不住笑出嚟。
武藤彩芽1996年生於北海道札幌，2015年加入北海道日本火腿鬥士啦啦隊「Fighters Girl」，其後轉行做模特兒、登上札幌 Collection 伸展台，2020年先正式加入 Weathernews 做氣象主播。離開節目後加盟 Cent.FORCE 做自由主播，2022年結婚，2025年當咗媽媽。呢次意外，竟成咗佢職涯入面最另類嘅「代表作」。
姣姐講多句： 直播呢行最殘酷，正正就係成日都要對住鏡頭，手機一旦手滑，全世界睇住。武藤彩芽呢個意外，最難得就係佢冇「演」，冇急到口型走調，冇硬補台詞。就係嗰個低頭、忍笑、遮機嘅自然反應，先令成個「事故」變成「轉機」。直播嘅殘酷現實正正就係：事前準備再好，都抵不過嗰一刻你夠唔夠真。
黃姣姐整合｜頂硬上
