歐洲太空總署（ESA）同寶可夢公司（The Pokémon Company）合作，配合2026世界太空週，喺太空站拍咗片：一隻布偶 Pikachu 著太空服，跟住太空人 Sophie Adenot 一齊「導覽」國際太空站。呢個布偶跟住 Adenot 上太空站，4月11號飛到6月17號，喺太空度咗67日。
片入面 Adenot 話太空站回收98%嘅水：「我哋回收98%嘅水，甚至尿都回收。」（呢句我唔講笑，係佢真喺片度講嘅。）之後 Pikachu 被帶去負98度（攝氏）嘅冷庫，嗰度係抽血同做科學實驗用。最後嚟到太空站嘅乘員宿艙，導覽結束。
硬蕉抽兩句：一個官方太空機構同一個卡通公司聯手，用一隻會講電喲嘅布偶嚟當太空站導覽員，呢個反差本身就已經夠癲。品牌合作做到太空，已經冇乜係做唔到。
另外呢個合作仲有臨時展覽喺歐洲嘅ESA場同主要博物館，賣專屬商品，仲有Pokémon Go嘅特別活動。
