中國旅美大熊貓「平平」同「福雙」喺亞特蘭大動物園大熊貓館正式公開亮相。兩隻肥仔今年9月下旬搭包機抵達亞特蘭大，開始10年旅居生活，而家適應完、正式出山見客。
副園長費列話，雄熊「平平」外向、鍾意冒險，好快就習慣咗亞特蘭大嘅竹子，住得好舒服；雌熊「福雙」就比較害羞文靜，花咗多啲時間熟悉環境，但亦適應得唔錯，特別鍾意嗰度嘅竹子同蘋果。
費列補充，兩隻熊嘅室內活動空間係以前嘅兩倍，室外加咗種植、攀爬設施同泳池；來自成都嘅飼養員全程陪伴，兩隻熊同佢哋愈處愈自在。
資料圖片：Pixabay
中方早前話，新一輪中美大熊貓保護合作，將為深化兩國人民友誼作出貢獻。
硬蕉抽兩句：大熊貓外交呢個橋，北京一直打得好熟練。對內「熊貓」兩個字寫唔出，對外兩隻肥仔坐包機去美國做十載軟實力大使，仲要包機、仲要專人跟隨照顧——呢個就係中國式 double standard 嘅最高表現。同陣營有人嫌呢種賣萌外交太「軟」，我話軟就軟，軟到對手冇理由嫌棄，就係成功。
硬蕉哥整合｜頂硬上
