謝霆鋒日前喺温州巡迴演唱抱病上台，康復後即刻返港，同老闆楊受成喺名錶品牌旗艦店開幕活動現身。
場面最靚係對面馬路站滿大批粉絲，霆鋒特別行出店舖外，隔住馬路同粉絲揮手，仲合十道謝，客氣到似見長輩。
名錶旗艦店開門一刻，大佬排場話晒：劉鑾雄帶太太陳凱韻同細女劉秀兒到場，何猷龍、陳國強、林小明亦齊齊現身支持。一場品牌活動，開到似大佬圓桌。
姣姐講多句： 抱完病返嚟唔休息，開完騁就返嚟「交差」，老闆一call就喺，呢種打工仔精神，邊個講佢係娛樂圈？至於劉鑾雄一家人都出動，佢哋開張係開名錶，定係開「人情帳」，就冇人再問了。
黃姣姐整合｜頂硬上
