港鐵車門口，一個位置，兩個人，各霸各嘅，都唔肯鬆手。
近日一段港鐵車廂內兩乘客罵戰影片喺網上流傳。事件發生喺某港鐵站，一名穿深色上衣男子長期站在車廂門口處，而一名女乘客則靠喺車門邊嘅座位隔板上。
女乘客指男子霸住門口位置、阻礙其他人入車，斥對方「你又唔讓人入嚟」。然而當時車廂內中間仍有大量站立位置，並非常擁擠。
男乘客聽到斥責後，非但沒有讓位，反而囂張反問：「咁多人點讓人呀？一定要讓呀依家？」
女子越鬧越激動，男子後退揚言報警
女乘客情緒進一步升級，不斷逼近男子，男子則不斷後退。男子更指女子「你依家企喺門口度呀，你唔讓？」，反咬一口。
據影片分享者稱，兩人流連至座位區，一名坐在座位嘅女乘客似乎怕被「誤傷」，一度欲站不站，考慮是否要離開，場面嚇到在場其他乘客。
最後男子拿起手機，作打電話狀，揚言要報警，惟未知其後有否真係報案。
資料圖片：Pixabay
網民批評男乘客公德心欠奉
影片流傳後，不少網民批評男乘客「做門神封住門口位真自私」，有網民留言：「個個都畀咁多錢搭車，你憑咩霸住個門口唔畀人入？」「入面咁多位，行入少少唔使死㗎，仲話一定要讓㗎。」
有網民則表示無奈：「搭程車都要搞到報警，真係得閒得濟？」「最悲哀係無人出聲，得個女人同個賤男單打獨鬥。」
港鐵附例：滋擾乘客、説粗口可罰款5,000港元
根據《港鐵附例》第25條，任何人不得在列車上或在鐵路處所任何部份作出對其他乘客造成滋擾或煩擾行為，違者最高罰款5,000港元。
《港鐵附例》第28H條規定，於鐵路處所之上，不論何時，不得使用任何威脅性、粗穢、淫褻或使人反感的言語，或作出鬧事、行為不檢、行為不雅或使人反感行為，違者同樣最高罰款5,000港元。
姣姐講多句： 車門口企住，係想搭定想堵？中間有空位嗰多，偏偏最難嘅位俾佢占了。呢個唔係「禮貌」問題，係基本公德。你買張車票，唔代表你有權喺公共空間搞「占中」。
