奚夢瑤（Ming Xi）日前喺美國出席2026年度「維多利亞的秘密」（Victoria's Secret）大秀，時隔8年重返維密T台。對佢嚟講，呢次唔單止係返場，更係一次意義非凡嘅 come back——畢竟過去8年，佢已經由超模做齊咗老婆、老母，仲加返個港大 EMBA 學位，成功解鎖多重新身分。
佢最難忘嘅，可能要計返2017上海維密大嗰次意外：當日踩到裙紗唔慎跌倒，一度成為全場焦點。事隔8年重新站返喺呢個熟悉嘅 T 台上，心態完全唔同。
問到點樣備戰，佢坦言背後付出唔少，特意進行咗嚴格嘅減肥計劃、狂做運動，就為求以最佳狀態上台。佢話：「我哋每一次喺維密合作都係非常開心嘅氛圍，所以我覺得呢個 come back 對佢嚟講非常有意義。」最好笑嘅係佢目標唔止係自己靚靚，更係想女女睇到：「我很期待我女兒看到視頻的時候説『媽媽好漂亮』，那一刻我就會感到很滿足。」——老母心態全開。
今次佢一共登場兩套造型：首套係粉紅繁花紗裙，仙氣飄飄；第二套霸氣十足，揹着一對高達約3米嘅巨型薄紗翅膀，堪稱全場最大嘅翅膀之一。官方直播仲特別俾慢鏡特寫，氣場拉滿。
不過台步表現引來網民兩極反應：有讚佢如今年紀大了走得更加沉穩、鬆弛；亦有直指「退步了」、「走得太軟」。有粉絲則解圍，話生完仔女之後身材難免有變化，而且如今天台步風格都普遍偏軟，能撐起3米大翅膀重返維密已經相當不易。
姣姐講多句 維密呢個 T 台對亞洲模特兒嚟講，向嚟係一種象徵——唔單止係上到唔上，仲係被世界級時尚體系「認證」嘅一種公認。奚夢瑤呢個 come back，講深一層，係一個老母想話畀全世界聽：我而家唔止係個模，我仲係個老母，但我不代表我要收手。3米大翅膀都撐得住，8年都頂得住，呢種「我生完仔都要行 T 台」嘅態度，本身就係一個好靚嘅 come back。
黃姣姐整合｜頂硬上
