馮鎵瀠（Naomi）同黃榕昨晚（18日）現身好友許嘉浩37歲生日派對，但佢近幾日最搶鏡嘅，係早前喺社交平台發文暗指傅穎（Theresa，現名傅寶誼）20多年前曾兩度對佢冷臉無禮，更喺文中吐槽傅穎「冷酷欠笑容」。
Naomi 今時今日喺接受問候時回應指，「冇諗到個 post 咁多人睇」，強調純粹分享感受，唔想同傅穎交惡。
最搞笑係佢同時急住否認外傳同鄧麗欣（Stephy）係朋友。「我係佢個小粉絲，當日拍《九個女仔一隻鬼》探黃榕班，同 Stephy 影過張合照，唔認識佢，冇交集，多謝網民將我升呢做 Stephy 朋友。」
另外佢又重申再都唔會借錢畀張致恒。
姣姐講多句：網民見你影過張合照就當佢姊妹，呢個係「升呢式追星」，跟住要唔要「降呢」都得，但「小粉絲」三個字最正。至於借錢呢，唔借就唔借，同傅穎20多年前冷麪欠笑容，一樣係「硬」到底。
黃姣姐整合｜頂硬上
