想衝奶粉沖出驚魂記？廣西貴港嘅辛女士早前就經歷咗呢一幕。
佢準備畀細路沖奶粉飲，驚見自家奶粉罐外壁佈滿白色「粉末」，而且仲喺度嚟嚟去去。湊近一睇，成個心都涼咗——呢啲「粉末」原來係密密麻麻、不停蠕動嘅粉蟎活蟲。辛女士話，呢罐奶粉開封後一直放喺房間入面，佢起初以為係發霉，細心查咗先發現唔止呢個罐，其他奶粉罐同枱面都佈滿粉蟎。
呢段影片上到網絡，好多人熱議。有網民調侃：「唔使慌，只係蛋白粉長咗腳而已。」仲有網民分享：「天啦呢啲係粉蟎，我細個時見到奶粉罐外掛住呢啲，以為係奶粉，直接舔乾淨。」另外有網民指，肉眼根本睇唔到佢哋喺度動，要用相機放大先看得出嚟。
咩係粉蟎？佢哋係常見嘅儲存物品害蟲，體型細小、肉眼神極難分辨，外觀與乾粉無異，多呈乳白色，在適宜環境下 2–4 星期便可完成一世繁殖。呢啲嘢常喺糧食、乾果、草藥、奶粉等乾貨出現，佢哋嘅代謝產物係強烈致敏原，接觸後可引致皮膚癢、噴鼻、咳嗽等過敏反應；嚴重時或引致蟎性皮炎、腸蟎症、肺蟎症等疾病。對抵抗力弱嘅嬰幼兒嚟話，風險更需警覺。
為避免奶粉受潮、滋生粉蟎，以下幾點值得留意：未開封奶粉應放常温、陰涼、乾燥、通風處，15–25℃最佳，避免陽光直射；開封後每勺都要即時蓋緊罐蓋，切勿放雪櫃（温差濕度變化會令吸潮結塊），量匙要乾爽，開封後最好一個月內飲完。日常定期檢查有冇結塊、異味、變色，有異常就即時停用。
黃姣姐整合｜頂硬上
