68歲苗僑偉（三哥）近年長居加拿大温哥華，過着半退休生活，日前被女兒苗彤喺IG限時動態曝光，一身運動裝牽狗揸機影花草，極之寫意。
日前苗彤喺IG限時動態分享爸爸近況，片中所見，身穿風褸、頭戴Cap帽嘅三哥，一身簡約運動造型，一手牽着愛犬，一手揸機拍攝路邊嘅花草，行喺温哥華嘅街邊。苗彤更搞笑附文：「FOR THOSE OF YOU WHO HAVE MISSED MICHAEL TAKING PICTURES OF CHERRY BLOSSOMS.」（致各位想念Michael影櫻花嘅朋友）。雖然隻影到三哥嘅側面同背影，但仍可見身形魁梧挺拔，全無中年發福跡象。
三哥現年68歲，早年同家人移民加拿大，兩個仔女苗彤（Phoebe）、苗俊（Murphy）喺當地生活工作，佢同太太戚美珍近年都長居温哥華，間中先返港拍戲或出席活動。而家佢嘅日子就係陪家人、遛狗、睇花，無憂無慮。
資料圖片：Pixabay
講起三哥嘅身家，好多人未必知佢其實係圈中隱形富豪。佢早喺80年代末就創立藝視眼鏡，90年代發展成港最大嘅眼鏡連鎖店，高峰時年營業額達3億幾港元，仲開拓咗加拿大同內地市場，之後高價賣盤離場。據知佢仲有投資開酒樓，手握豐厚身家。
2004年三哥獲梁家樹邀請，復出重返TVB拍攝《學警雄心》，其後再陸續拍攝《刑警》、《使徒行者》、《飛虎》系列等，人氣魅力不減。但近年佢大部分時間都留在加拿大陪伴家人，過着無憂無慮嘅半退休生活。
姣姐講多句：由「眼鏡王國」大班變成温哥華遛狗影花嘅退休阿伯，三哥呢個轉折其實好抵讚。有能力就慢慢生活、慢慢退休，唔使硬撐喺鏡頭前，而家佢就係咁，好寫意。
