「歌王」李克勤嘅大仔李立仁（Ryan），喺美國正式踏入19歲。佢喺社交平台上載多張喺高級餐廳慶生嘅近照，一頭時尚曲髮、輪廓分明，昔日嘅稚氣早已搣晒，眼嚇變得「韓系美男」，網民即讚佢「仔大十八變」，更有話佢撞樣李治廷、顏值已超越老爸李克勤。
李立仁除晒19歲近照，仲放咗兩張7歲時同爸爸「餅印」咁似嘅童年照，今昔一對，變化之驚人連佢自己都喺帖文寫：「我想7歲的我也會為19歲的我感到高興。」
資料圖片：Pixabay
真正掀起討論嘅，係另一張雪糕合照：李立仁與友人各舉一杯雪糕，構圖甜蜜、似情侶視角，被視為低調「放閃」。由於佢早前與同樣喺美留學嘅「國民初戀」姚焯菲（Chantel）傳出緋聞，網民即七嘴八舌，猜同框「食雪糕」嘅會唔會就係姚焯菲本人，全網盡在不言中。
媽媽盧淑儀則喺帖下温馨留言祝福：「Happy birthday my dear son… stay healthy and happy always.」字裡行間母愛滿溢。
相對於媽媽嘅温柔，爸爸李克勤就完全係另一副面孔。佢早前出席活動被問及兒子同姚焯菲嘅緋聞，一句「學業為重，讀書為重，其他不要搞太多」，嚴父嘴臉畢露，不鼓勵子求學期間分心拍拖。
