BLACKPINK成員Lisa近日登上美國Podcast節目《Therapuss》，接受主持人Jake Shane訪問，聊到感情之中邊啲警訊唔可以忽略，佢就自爆咗一段至今都令佢傻眼嘅往事。
佢話，有次帶阿媽同最好嘅朋友去自己最鍾意嘅壽司店開飯，席間半開玩笑問住正在曖昧嗰個對象：「你要幫我們付錢嗎？」結果對方喺度冇一秒鐘猶豫，即刻答咗一句：「哈哈，不要。」
Lisa話嗰陣仲以為對方係鬧著玩，心想説不定佢會嘴硬心軟，暗地裡偷偷把帳結清俾佢一個大驚喜。點知由開飯到尾，嗰個人都冇動過一下，最後仲係佢自己行出櫃枱結帳，錯愕到無語。
圖片：K-POPIT 케이팝잇／CC BY 3.0／Wikimedia Commons
聽完呢段，主持人Jake Shane都忍不住開口，話如果男方真係正在追佢、想贏取好感，應該要表現到多啲誠意先至啱。Lisa就講清楚自己其實唔係每次約會都依賴對方買單，自己都有能力負擔餐費，真正令佢在意嘅係當時阿媽同閨密都喺度，對方如果願意主動買單，會令佢感受到自己係被重視、對方真係願意付出嘅。
呢段往事一講出，立即喺網上引起兩派交火。有人覺得既然男方正在追Lisa，身邊仲有佢阿媽同好朋友在場，主動請客係展示貼心同誠意最簡單嘅方法；亦有網友反駁，話佢哋之間本來就冇任何義務幫Lisa同佢親友埋單，唔肯買單完全唔代表小氣，真正問題係雙方對約會同金錢嘅期待差異。
姣姐講多句：講真，唔會埋單真係唔係最可怕嘅警訊，最可怕係佢話「哈哈不要」嗰陣，仲要面帶微笑。呢個先至係真正的紅色警告，比任何冷場都冷。你哋覺得，如果你喺嗰張枱，你會唔會即刻起行？
黃姣姐整合｜頂硬上
