日前萬聖節，泰國頂流女星鄺玲玲（Lingling Kwong）喺社交媒體貼出一身粉色飄逸古裝，頭頂橫向高聳髮髻，神還原經典電影《倩女幽魂》入面王祖賢飾演嘅「聶小倩」。
睇相嗰個剎那，真係以為九十年代嘅鬼片黃金時代突然又開機。網民留言一齊喊：「第一眼真的以為是王祖賢﹗」「史上最美聶小倩」「哪裡是鬼，分明是仙女下凡﹗」，仲有人英文送一句「Beautiful ghost」，廣東話版本更毒：「鬼火咁靚！」
「泰版聶小倩」呢個名號就咁坐實。
姣姐講多句：呢種「神還原」梗係香港鬼片粉絲嘅集體回憶殺招——九十年代《倩女幽魂》系列教識我哋，「鬼」原來可以拍得咁仙。今日一換成泰國女星嚟演，反差感直接拉滿，王祖賢女士本人應該覺得自己青春被人順手copy走喇。
黃姣姐整合｜頂硬上
