由韓國娛樂經濟媒體《Joynews24》喺10月15日至21日搞嘅問卷調查出爐，142名韓國娛樂產業相關人士——包括娛樂公司、電視台從業人員、內容製作人同娛樂線記者——投票揀出佢哋眼中2026年最具代表性嘅韓劇「CP」，呢個榜單比網民投票多咗一份「業界共識」。
第一名係SBS《我的王室死對頭》林知衍同許南俊，攞26票。劇中朝鮮惡女靈魂附身喺現代無名演員身上，同「資本主義怪物」財閥男展開「邊打邊愛」嘅搞笑romance，最高收視率達11.8%。冠亞之間僅差2票——第二名係Netflix《愛情怎麼翻譯？》高胤禎同金宣虎（24票），口譯員同全球巨星嘅跨語言romance吸引大批票。
第三名係TVING《柔美的細胞小將3》金高銀同金載原（22票），4月播出嘅呢部為系列畫上句號，兩人喺劇中由嚴守公私分際嘅公司同事發展成「姊弟戀」。
今年最特別係男男搭檔入榜：tvN《四手聯彈，兩首奏鳴曲》宋江同李濬榮（13票）排第四，SBS《金特務：本色回歸》蘇志燮、崔代勳同尹敬浩三人兄弟組合攞4票排第七。
姣姐講多句：142個日日睇韓劇嘅業界人話邊對CP最靚，呢個榜單就係行業嘅「年度共識」，比邊度都客觀。你今年最鍾意邊對？
黃姣姐整合｜頂硬上
