日本歌手 KIRITO 近日喺 X（原 Twitter）發文，自爆自己因為手腕上有大量刺青，Apple Watch 感測器一直冇反應，令佢由「絕對唔除青」直接轉向「超想除青」，差唔多一夜之間搖滾精神就被智能錶打爆。
KIRITO 喺帖文入面寫：「我從來不後悔自己在手腕刺青，因為我這輩子都要貫徹搖滾精神。然而如今發現 Apple Watch 沒有反應的時候，就讓我超想除去刺青了。」
呢個反差好真實：一個自稱要「這輩子貫徹搖滾精神」嘅人，被一塊電子錶逼到想返頭除青。搖滾精神就咁讓步 Apple Watch，點睇都係智能錶贏。
事件引發日本網友熱烈反應。有同樣有刺青嘅網友表示：「等等，我也是現在才知道這件事耶……我已經換了好幾個智慧手錶，還以為只有我一直買到故障的機王……我也想除去手腕的刺青了……」另一位則話：「我才剛想説要去買 Apple Watch 耶……」
原來呢個問題唔止日本，早喺美國 Reddit 嘅 Apple Watch 討論板就已有討論。有美國網友話自己 Apple Watch 常年感測器失靈，試晒成個偏方，最後話用「3M 傳舒醫療膠帶」貼住三個感測器就解決晒。
【姣姐講多句】 講真，用醫療膠帶貼感測器呢招，真係好有「港式智慧」嘅味道。但問題係 Apple 點解唔直接出一個「刺青友善」版本？日本好多人手上有刺青，Apple 係全球品牌，呢個市場明明有，點解一直冇人處理？Apple，聽住！
黃姣姐整合｜頂硬上
