韓媒Joynews24每年都會邀請業內專業人士選出年度韓劇、韓片及藝人，年度韓片名單喺11月1日出爐。由142名韓國影視製作人及傳媒投票後，《破墓》劉海鎮同《弱美男英雄》朴志訓合演嘅《王命之徒》，以81票大比數壓過《假如愛有如果》，當選年度韓片。
呢部片喺2月初上檔，開畫一個月即突破千萬入場人次，累計1693萬入場、收1633億韓圜（約9.6億港元），成韓國史上最賣座電影第2位，僅次於《鳴梁海戰》嘅1761萬入場人次。
姣姐講多句：81票壓過其餘全部票，呢個大比數係142名票委入面超過半數投落同一部片，佢唔止賣座，仲賣到寫入韓國電影史，呢先至係真個「寫入史冊」級嘅成績。
黃姣姐整合｜頂硬上
