金宇彬新劇《Gift》預告正式公開，佢喺劇中飾演前職業棒球投手教練鄭敏勇，經歷意外事故後，接手全國排名墊底嘅德川高中棒球隊監督，帶住全隊打逆襲。本劇改編自 Kakao Webtoon 同名網漫，講天賦同努力嘅成長故事，12 月 5 日首播。
最有趣嘅位，係預告披露鄭敏勇喺意外後獲得超能力——可以喺短短 1 秒內看穿其他球員嘅天賦與潛力，甚至找出贏波嘅關鍵。佢喺劇中自信放話：「現在我全都能看清了，那個正確答案。」更霸氣表示「你們認識的鄭敏勇已經死了，我也打算從現在開始好好活一次。」
圖片：K-POPIT 케이팝잇／CC BY 3.0／Wikimedia Commons
笑位重頭戲喺李光洙客串。佢喺最新預告現身，同金宇彬留低片場互撩，金宇彬仲透過 Weverse 笑稱，李光洙喺拍攝期間不停彈 Bubble 訊息俾劇組，鬧到大家無法專心開工。
姣姐講多句：兩個靚仔喺韓國娛樂圈係鐵交，片場鬧歸鬧，預告一出就證明佢哋真係有化學反應。12 月 5 日開播，想睇墊底隊點樣逆襲嘅，記得預先預左。
黃姣姐整合｜頂硬上
