今年 10 月嘅 Mipcom 展會，有一部西班牙新劇喺業界引到注意：由 Movistar Plus 同 Arte France 合拍嘅《Killing a Bear》（《Matar a un oso》）。
通常兇案劇嘅受害人係人，但呢部戲嘅受害人，竟然係一隻叫 Cachou 嘅比利牛斯棕熊。
故事背景係 2020 年 4 月西班牙疫情隔離期間，呢隻熊被防凍液（anti-freeze）毒死，從而引發了西班牙乃至歐洲首宗針對動物死亡嘅刑事調查。
劇中嘅兇手範圍並唔係咁大，只限於 Val d'Aran 山谷嘅 262 位居民——佢哋全部都係一個叫「反熊網上聊天室」嘅成員。
呢個網上聊天室由當地一位權力人物 Zacaríes Farga 主導。但 Farga 有一個非常有趣嘅身分：佢同時係 Val d'Aran 嘅環境議員，負責管理確保熊嘅生還存在嘅資金，佢又係反熊聊天室嘅管理員。
呢部劇由 Jorge 同 Alberto Sánchez-Cabezudo 兄弟創作同編導，去年 9-10 月用了 7 個星期拍攝。
硬蕉抽兩句
如果熊都可以做受害人，人做受害人嘅兇案劇仲有幾多新意？呢部戲嘅真正笑點，其實係嗰個同時管住熊保護資金又管理反熊 chat room 嘅環境議員。
