日本靜岡縣河津町，係出名嘅河津櫻花觀賞地，每年櫻花季都有不少賞櫻者到訪。喺河津車站出嚟行去賞櫻花嘅路上，就有一間「川津來宮神社」（又名「杉桙別命神社」），好多賞櫻者都會順路入去參拜。
呢間神社境內最出名嘅，係一棵樹齡達千年嘅大樟樹，被叫做「來宮大人的大樟樹」。呢棵樹樹幹周長約有 14 米，樹高約有 24 米，係境內嘅必看景點。
神社亦有一個好特別嘅習俗，叫做「鳥精進酒精進」：每年 12 月 18 日至 23 日，信徒會不吃家禽、雞蛋，亦不喝酒。呢個習俗嘅由來，源於所供奉神明「杉桙別命」嘅傳説——據講佢曾經喺喝醉酒後喺原野上睡著，被野火包圍，結果好多小鳥將羽毛浸濕去撲滅野火，救咗佢一命。呢個活動至今仍被信徒保留並傳承。
而曾經喺社交媒體上引起話題嘅，就係神社有售嘅「飲酒者御守」（日本名：お酒を呑む人の御守）。呢個御守就做成清酒瓶嘅造型，一共有三種顏色，報道列出嘅參考價為每個 700 日圓（含稅）。佢嘅用意，就係保佑那些喝了酒嘅人能夠平安返到屋企——可以話係為酒鬼度身訂造嘅護身符。
旅遊介紹提到，呢款御守曾出現供不應求，並限到神社參拜者購買；實際供應及價格以神社公布為準。
此外，神社亦有發售河津櫻花期間限定嘅御朱印，上面特別繪製咗櫻花樹，樹下仲有守護神明安全嘅小鳥圖案，呈現咗川津來宮神社嘅神話精神。
姣姐講多句：日本嘅御守文化真係做到咁貼地，連「酒鬼」都有專屬護身符。不過要記住，御守歸御守，飲酒始終要適可而止，千祈唔好真係以為有「神明保佑」就可以酒醉駕車。去河津賞櫻花嘅話，順手帶個御守當紀念品，倒係個好有話題嘅選擇。
黃姣姐整合｜頂硬上
