日本鹿兒島市日前搞了一場「西鄉隆盛撞臉大賽」，專程揾同維新三傑之一嘅西鄉隆盛長到好似嘅人。西鄉隆盛係當地人嘅精神象征，濃眉大眼、存在感爆棚，連唔認識佢功蹟嘅人睇見都會過目不忘。
比賽分「現代組」同「未來組」。現代組冠軍係50歲嘅東先生，做農業會計，唔但五官、身高、體重都同西鄉隆盛差不多，最勁係佢同呢位維新大佬一樣愛狗。
最離譜係「未來組」冠軍——平川小朋友，出世先8個月。佢爸爸話每回帶佢出街買嘢，都會被人講似西鄉隆盛。爸爸話仔仔剛出世頭幾個月都幾普通，但到三四個月就眉毛比頭髮仲厚，表情仲越見沉穩。
參賽者由男女老少都有，基本上每個人都先展示自己濃眉大眼，再逐一交代仲有邊度似西鄉隆盛。
姣姐講多句：一個8個月大細路，成個人生嘅成就就係贏了一場撞臉比賽，仲要撞得係維新三傑其中一位，呢條起跑線已經比大部分成年人高過一大截。講真，佢呢條眉生落嚟，長大之後想扮普通人都有難度。
黃姣姐整合｜頂硬上
