呢部劇改編自同名網路小説，3日已經公開第1至4集。
朱智勛喺劇中飾演東大帝國皇帝「索本修」，原本向皇后娜菲爾（申敏兒 飾）承諾此生唔會開後宮，但打獵之後就帶返個路唔明嘅奴隸菈絲塔（李世榮 飾）返嚟，直接納為情婦。講到呢度，佢自己先爆：「我講的話每次都前後矛盾」，「我會保護你，但我還是要納情婦」、「我是愛你的，為什麼你不相信你」，現場申敏兒、李鐘奭同李世榮全部笑到爆。
被問到「拍攝中印象最深刻嘅部分」，朱智勛即答：「我全都記得」，繼續笑爆現場。
圖片：Arielaortizb／CC BY-SA 4.0／Wikimedia Commons
除咗吐槽自己，佢仲透露同海因里（李鐘奭 飾）有一場武打戲，奇幻題材入面帶中世紀風格，要融入當時武器特色，佢話既新鮮又有難度。
另外，申敏兒同李鐘奭都揀咗四位主角齊聚嘅舞會場面做「最深刻印象」，話嗰場戲拍了四天；而李世榮則揀皇后同菈絲塔第一次見面、菈絲塔即刻叫皇后「姐姐」嗰段。
姣姐講多句：呢個都係罕見嘅「演員入戲入到要自己吐槽自己」嘅案例，朱智勛呢波自爆比台詞本身仲有殺傷力，演渣男皇帝居然比渣男皇帝仲渣男。
黃姣姐整合｜頂硬上
