MIRROR成員姜濤同ERROR嘅肥仔（梁業）、阿Dee（何啟華），8日齊齊出席一個銀行活動。最誇張係，姜濤同肥仔7日先至打完903籃球賽，8日朝一早已經繼續開工，完全冇得歇。
現場有超過一千名「薑糖」（粉絲暱稱）排住等，姜濤喺店內張望嗰陣，店外嘅薑糖即刻齊聲尖叫，場面火爆。
活動入面，姜濤預告會以「神秘人」身份去捧場睇阿Dee嘅舞台劇，究竟邊個係神秘人，大家自行猜想。佢更自爆識打廣東牌，講起呢樣嘢，仲有幾分自信。
姣姐講多句：打完波隔日朝就拖硬開工，千個粉絲喺度尖叫對住佢，你話係邊個撐得住？姜濤呢副體能有得讚。神秘人究竟係邊個？薑糖哋已經開始互相猜疑，不如就當係一場大娛樂。
