美國紐約州一位63歲貨車司機，用業餘時間歷時21年，手搭了一座「微縮紐約」。呢座模型涵蓋逾89萬棟建築，而家喺博物館展出。
麥肯（Joe Macken）係皇后區人，無建築背景。佢40多歲搬到紐約上州後，因思鄉，就用手邊嘅輕木同泡沫板開始動工。佢由曼哈頓市中心嘅洛克菲勒中心做起，光係曼哈頓中城就花咗10年，帝國大廈尖頂最耗時。「我想把它做到完美，」佢話。呢個興趣幾乎佔據佢所有空餘時間，去海灘度假、兼職開巴士嘅空檔，都隨身帶料繼續做。
呢座巨型模型長約15米、寬約9米，300多塊泡沫面板似拼圖一樣相互連結，將紐約5大行政區、新澤西部分地區同長島郊區一一呈現。從自由女神像、洋基體育場、布魯克林大橋，到皇后區簡樸嘅獨棟住宅，應有盡有。
喺女兒勸説下，麥肯將模型上傳TikTok，一炮而紅，引起紐約市博物館注意，特為佢舉辦《他建造了這座城市》（He Built This City）專題個人展。是次展覽2月開幕，預計10月12日閉幕。首席策展人指，能同時打動網民同傳統博物館訪客嘅作品非常罕見。
最動人嘅，係麥肯喺模型入面放入自己嘅情感記憶。佢小時候經常光顧、現已改建為高樓嘅皇后區餐館，被原樣保留；昔日嘅世貿雙子塔，更同新建嘅世貿中心一號大樓並肩而立。展覽期間，不少訪客拿起望遠鏡尋找熟悉地標，甚至有向子女講解家族過往。
硬蕉抽兩句
人哋開貨車，呢位開咗21年「城」。89萬棟樓，冇建築背景，全靠雙手。呢就係「蓋城」嘅意義——頂硬上，繼續蓋。
硬蕉哥整合｜頂硬上
