由台灣台中梧棲開往澎湖馬公嘅 CT2 漁船「金海17號」，喺10月17日至20日期間，喺澎湖海域三次擳淺，船上人員全部平安，冇漏油。聽落似海難，但最搞笑嘅係——三次嘅間隔，短到可以喺同一週週期內完成。
第一次：17日晚，泊穩咗
17日傍晚6點多，「金海17號」喺澎湖白沙鎮海港口內擳淺，疑因潮汐變化及水深條件影響。至翌日18日凌晨2時50分漲潮，先至脱困。好，第一次，解決。
第二次：18日上午，仲未食完早飯
脱困後，18日上午8時35分，「金海17號」喺白沙岐頭漁港右前方約600公尺處，又擳淺。岐頭安檢所所長協調「鉅航6號」吳良添船長出港引導，至18日下午4時20分先至順利脱困，泊靠岐頭漁港。
泊穩之後一檢查：船身有破洞進水，引擎無法關閉。消防分隊前往抽水，修船技工到場維修。
第三次：20日上午，修完出港400米又擱
20日上午9時40分，「金海17號」修復後出港。10時，航行至岐頭漁港外約400公尺處——又擳淺。
船長表示，不熟悉該處地形。
友好漁船「新光6號」10時10分行經該處，嘗試拖帶。10時25分，「新光6號」船長表示「金海17號」觸底太深，無法拖離，建議待漲潮時再自行脱困（滿潮時間為晚間6時59分）。
船上存油約100公升柴油，人船均安，無漏油。
硬蕉抽兩句
三日三度，每次脱困都以為故事完結，點知「金海17號」仲要再返來。修好、出港、400米、又擱。呢個唔係船擳淺，係船對澎湖「捨不得離去」。
船長話唔熟地形。第一次唔熟，第二次唔熟，修完仲唔熟。唔知係邊個航線，要行三次先至記得。行船唔似搭巴士，冇人話你「下一站岐頭漁港」，但海圖係有印緊嘅。
人哋「新光6號」出嚟拖都拖唔郁，100公升柴油，等晚間6時59分滿潮。希望滿潮嗰陣，「金海17號」真係走得到，唔好係第四次。
硬蕉哥整合｜頂硬上
