法國雲石枱，收貨變碎石
近日嚟，麥浚龍喺社交平台發大火，佢早喺法國訂購咗張雲石枱，一直諗住收貨可以拆開擺，誰知拆到個紙皮，心涼咗。
佢話到貨嗰陣赫然發現物件嚴重毀壞：雲石變成多塊碎石，枱面結構徹底摧毀，底座木製枱腳全數折斷。仲有張未拆封嘅支架相，外層紙皮已嚴重扭曲，「撕開外層就直頭企唔穩」；枱底木架裂痕斑斑、邊角爆開，仲有幾張損毀相，一齊傳上社交媒體。
佢話速遞公司「專業整爛」。
姣姐講多句：呢啲就係買跨境貨最頭痛嘅一刻——你喺度諗住自己買嘅係法國雲石，佢哋送嚟嘅係「法式碎石」。花大錢嚟法國買嘢，最後收貨同收垃圾冇分別，換咗我都想爆嘢，唔係名人特權，係人人都有份嘅收貨噩夢。（屬評論）
黃姣姐整合｜頂硬上
