SBS 綜藝《Running Man》早前喺咖啡廳開場邊飲茶邊吹水，聊到池睿恩同舞者 Vata 12月喺首爾結婚嘅婚禮話題，笑聲不斷。劉在錫一開腔就講：「睿恩的喜帖終於出來了，總算有真的要結婚的實感了。」
正慶住，居然有人自薦要唱祝歌。劉在錫爆料：「智孝一直説自己能不能唱祝歌，我們都攔著她。」金鍾國更對宋智孝喊：「去踢足球啦，足球！」池錫辰又話自己只係隨口講講，「智孝一直説要一起唱《Milkshake》」，仲轉頭問她「要嗎？」宋智孝正面回應，對祝歌舞台躍躍欲試。
但準新娘池睿恩想法不同。聽完兩人提案，她直白回：「我想有品質地辦。」就咁以婚禮舞台完成度為由婉拒，全場當場笑翻。
真正嘅婚禮班底就係：劉在錫任司儀、金鍾國負責祝歌，Vata 所屬嘅 WeDemBoyz 獻祝舞。標準一拉咁高，池錫辰、宋智孝嘅雙人舞台自然無位。金鍾國認栽：「標準都拉到這麼高了，祝歌還能進去，很感謝呢。」池錫辰亦話：「智孝和我被刷掉的原因就在這裡。」劉在錫仲補一刀：「哥，別這樣，快到我女兒生日了，來我女兒生日會唱吧。」笑聲再加碼。
池睿恩同 Vata 將喺12月喺首爾某處舉行婚禮，敬請期待呢個由劉在錫主持、金鍾國獻歌、WeDemBoyz 助興嘅豪華陣容。
姣姐講多句：一對想送祝福歌，另一個「我想有品質地辦」就刷咗，成個 Running Man 成員認真討論邊個唱邊個舞，比任何舞台都似真婚禮彩排。宋智孝、池錫辰既然「被刷掉」，不如就照劉在錫所講，留低個嗓，去我（啲人）女兒生日會唱吧。
