最近抖音起訴京東員工嘅事鬧上搜尋熱榜，兩邊官號你一言我一語，网民食瓜食到飛起。但大家順住瓜藤一扒，發現源頭竟然只係一個叫「左琦」嘅京東采銷，發咗一條朋友圈而止。一個賣貨賣咗成日嘅普通人，居然搞到兩大平台開仗，呢個反差真係夠大。
先俾人正個名：左琦就係京東一個普普通通嘅采銷經理，唔係咩高管，發朋友圈之前喺網民眼中基本係「查無此人」。但佢每發一次，都有幾十家媒體報導、社交平台大量轉發，「零成本打出百萬傳播預算嘅效果」。由 618 到雙 11，兩條朋友圈，就換來抖音起訴、法院立案、兩邊官號下場、上熱榜，被揶揄為「今年影響力最強嘅朋友圈」。
事件起因，係有品牌方公開質疑京東：喺其他平台用平台補貼優惠券，賣到比京東更平，該品牌喺京東嘅店就被限制，消費者搜唔到、買唔到。京東官方冇直接回應，只是悄悄解鎖限制，讓該店重新可以搜到。就喺呢個時候，左琦一人出頭，話全部係競爭對手嘅誘導，商家同媒體「造一條京東負面，就獲得平台流量」。
呢個手法，公關圈叫「議題轉換」。佢根本不接「平台擅自屏蔽店舖」呢個議題，而係一口氣把所有負面指控都定性為「為流量造嘅假料」同「對手引導」。三招下去，問題就由「京東有冇霸凌商家」變成「邊個喺黑京東」。有人笑佢呢一手，放落公關教科書都夠寫一章。
被抖音起訴之後，左琦完全冇慌，繼續發朋友圈硬扛，「一條不夠就再發一條」，仲揾報導截圖逐條説明。最後京東發言人下場，話會幫佢打官司。喺呢個打工仔人人「躺平」「整理職場」嘅年代，呢種「君臣相得、雙向奔赴」嘅劇情，真係看得人眼濕。
姣姐講多句：一個賣貨采銷，朋友圈字字句句都踩喺傳播學嘅位上；被起訴仲敢一剛到底，公關人都未必有呢個功底。冇錯，京東公關部係錯失咗人才。
黃姣姐整合｜頂硬上
