最近有日本X網民出咗個文，話「包下體育館辦婚禮，一天一萬日圓，五千人嚟每人兩蚊就搞掂，我要顛覆婚禮常識了」。帖一出即爆，網民開波算數，有人讚好，有人話體育館冇桌椅、冇音響、冇人員，全部要自己搞，「絕對有得新郎新娘受了」。
就喺大家討論入入到時，日本作家豐田佳高（Yoppy）跳出來話：「就由我這個實際在體育館辦過婚禮的人直接説結論吧。」
他話自己一直鍾意廢棄學校改建嘅設施，跑去住、開派對，覺得「學校真有種懷舊又開心的感覺」，於是決定喺奧多摩一所廢棄學校嘅體育館舉辦婚禮。結果呢——他原話：「我邀請了100位賓客的婚禮，總共花費了600萬日圓。」
佢仲列咗啲細節：想搞得像樣，裝飾品、餐桌、音響、服務人員全部要用卡車由市中心運過去；食物訂咗「看起來像學校營養午餐，但其實是法式全餐」嘅菜式，廚房設備食材都要上車；仲要包巴士去接由立川過嚟嘅賓客。
最慘係，佢自己心諗「雖然花了不少錢，但玩得開心就好」，結果賓客之間當佢「在偏鄉的廢校裡辦了場吝嗇的婚禮，簡直糟透了」。佢講出「那場婚禮花了600萬日圓喔」，「大家都啞口無言」。佢話「在設備齊全的飯店舉辦婚禮，恐怕反而會更划算吧」。
佢最後話呢件事「讓我領悟到跟建置資訊系統時相同的教訓。明明只要老老實實從現成套件中挑選就好了，卻總是想加入某些原創元素，結果就導致價格飆升了。」
姣姐講多句： 以為慳幾萬，結果慳到人生。600萬日圓大約四十多萬港紙，仲要俾人當窮光蛋，呢個就係「省錢係好事，但省到變相係唔好嘅」最好寫照。你哋會唔會為咗慳場地費，將人生大事搬去體育館？
黃姣姐整合｜頂硬上
