一位日本繪師近日喺 X 平台（原 Twitter）發了一帖，令日本動漫圈即時炸鍋。佢放咗兩張並排圖：左邊寫住「我喜歡的畫風」，右邊寫住「世間可能比較偏好的畫風」，然後問咗一句：「喺呢種落差之下，我應唔應該放下自己嘅偏好，轉而迎合市場的需求，改變自己的畫風？」
這位綽號「ゆーむぎ」嘅日本繪師，同時貼出咗自己嘅原創角色插畫作品。佢嘅發帖馬上引來熱烈討論，支持他堅持自己畫風嘅網友佔多數。
有網友留言：「我很喜歡左邊那種畫風，但也同時覺得換成右邊那種畫風比較容易紅……社群經營真困難啊。」另一人指：「左邊還是有左邊的需求，何況流行的畫風會隨著時代演變，所以還是堅持畫自己想畫的最好了。」
不過也有另一派聲音認為，左邊那種畫風可以留作個人創作或者畫同人誌，但如果想在日本接商業插畫工作，可能還是得諗下右邊市場偏好嘅畫風。有網友直白講：「畫興趣可以畫左邊，接工作還是要畫右邊吧。」
仲有人將呢個現象同日本連載漫畫扯係一齊：「感覺在長期連載的漫畫裡面，很常看到第１集是左邊那種畫風，到了第10集就變成右邊那種畫風的例子。」——暗示作品隨劇情推進逐漸「市場化」，係日本動漫圈一個常見現象。
另有網友指出左邊系歐美圈較受歡迎嘅畫風，右邊則係亞洲圈主流，兩邊各有自己嘅讀者群。
姣姐講多句：
「畫自己想畫」同「畫人地想睇」呢個矛盾，喺成人創作圈就係每日都要面對嘅問題。一位繪師如果只係照足市場口味做，最後畫到自己都唔開心，觀眾又都識穿；但如果完全唔理讀者想睇嘅嘢，單憑自己喜好，喺一個資訊爆炸嘅年代，好快就冇人記得你。最理想嘅做法，系保留自己嘅風格底色，同時知道邊度可以同讀者做一點妥協——呢個就係創作生涯最難嘅平衡術。
黃姣姐整合｜頂硬上
