近日 Threads 上流傳一段名為「New iPhone Duo」嘅 iPhone 開箱影片，由帳號「bmw_service_miami」分享，吸引超過百萬次瀏覽。
最特別係片嘅開箱方式：冇用以往小心翼翼撕開膠條嘅「小心供奉」儀式，反而以極度隨性、流暢嘅手法直接「暴力拆解」外盒，被網民形容如「剝橘子」般豪邁，甚至似開保鮮盒、開便當盒。
圖片：Ka Kit Pang／CC BY-SA 4.0／Wikimedia Commons
影片曝光後迅速引發熱議，大量果粉留言。有網友稱：「我以為是甚麼新設計的外包裝，結果竟然是保鮮盒開法！」又有人笑：「簡直把 Apple 開得像是在剝橘子一樣！」
而最搶鏡嘅，係片頭一出現就全程盯著唔放眼嘅一隻貓：聚精會神、眼神充滿疑惑，似在質疑人類對紙盒施展咗乜神秘魔法。
硬蕉抽兩句： 買機儀式感嘅核心，從來唔係撕膠條撕得多靚，而係撕完嗰陣嘅那種「值得」。點解呢位老兄拆兩部 iPhone 連慢動作都唔開，手速快過剝橘，梗係因為佢拆過太多次、早將儀式感磨光。講真，睇完個片我已經決定：下次拆 AirPods 盒，我要拆到貓都入迷。
