「點每次講到重點就著咗？」呢句喺好多夫妻入面都會講嘅怨婦話，竟然真係可以成為一個醫學警訊。
10月31日，台灣外科醫師陳榮堅喺自己嘅 Facebook 專頁分享咗一單病例：一位40歲男子，被太太逼着帶去求醫減重。
呢位先生兩年嚟因為工作壓力大，食嘢唔收聲，結果體重飆咗30幾公斤，BMI 衝到39。更誇張嘅係，佢每朝（係夜晚）同太太睡前傾偈，傾到幾句就突然「秒睡」，倒頭即著，仲有幾聲都唔醒。太太一開始以為佢裝睡，「點每次講到重點就著咗？」，發現唔係裝埋之後，先覺得唔啱勁，帶佢入醫院。
陳醫師原本以為係阻塞性睡眠窒息症（OSA），但一查就嚇到：病人左心室射血分數（LVEF，即心輸出指數）只有20%，正常成年人應該係50%至70%，即係只係正常成人嘅三分之一，隨時有休克或心肌梗塞風險。
資料圖片：Pixabay
醫解釋：呢位先生原本心臟功能就唔強，活動量又低，兩年內個身形膨脹咗，個「泵」（心臟）無辦法供夠全身嘅血，愈胖就衰竭得愈厲害，所以出現極端疲勞、秒睡嘅症狀。
幸好事由急、醫得早。病人除咗藥物治療外，心內科建議做減重代謝手術。術後一個月，體重減咗約10公斤，心輸出指數回升超過30；一年之後，指數再升到50幾，BMI 亦跌返到26，完全康復。
姣姐講多句： 成日話「秒睡」係一種本事，原來真係可以係身體發出嘅求救訊號。如果你身邊有親友無端端日日瞓到死、一傾偈就「斷線」，別以為只係嗜睡，最穩陣就陪佢行返一程醫院。減重從來唔係「為咗美」，係救命。
黃姣姐整合｜頂硬上
