10月4日，一名名叫卡斯蒂略（Alberto Hernandez Castillo）嘅古巴裔、持有美國綠卡嘅男子，由哈瓦那飛到邁阿密過關，被海關人員攔截。起因就係佢喺檢查站下體「隆起」，加上神色慌張。海關人員帶佢去安全查驗區搜身，就搜出內褲內側特製嘅黑色口袋，入面藏咗6個用膠帶嚴密包裹嘅透明塑膠容器，共10隻活鳥：8隻黃面草雀、2隻藍彩鵐，全部屬非法野生動物貿易熱門物種。
卡斯蒂略填申報表時聲稱只係探親，冇帶野生動植物。但被搜出後，佢冇提供任何合法進口證明，只向調查人員講呢啲珍禽係供「私人使用」，之後就保持沉默，拒絕交代來源同動機。目前佢已遭美國聯邦法院以走私貨物罪名起訴。
呢單案最離奇嘅就係佢嗰件特製內褲——開孔處貼黑色網佈防止禽鳥飛出，設計得真係「精密」。講真，如果係姣姐要走私，未必想得咗咁周到。
（本文屬成人題材｜18+）
黃姣姐整合｜頂硬上
