10月30日，24歲澳洲體能選手Joanna Wietrzyk喺德國漢堡出戰國際體能賽HYROX，成功奪冠。呢係佢喺9月北京站「失禁風波」之後，首次重返賽場。
回顧9月北京站，Joanna喺比賽途中失禁，仍堅持完賽並奪冠，排泄物污染賽場器械，引發公共衞生爭議；主辦方未即時叫停，捱網民大批評。事後佢公開道歉，承認本應退賽，並放棄該站金牌積分。
漢堡站賽前受訪，Joanna坦言北京嘅風波曾令佢想過徹底放棄呢項運動。佢承認，當時冇顧及其他參賽者，選擇繼續比賽係「錯誤嘅決定」。佢亦説：「不希望那次事件成為別人認識我的唯一標籤」。
硬蕉抽兩句：一個人嘅身體失靈，唔代表佢嘅意志失靈。全球圍觀、道歉、放棄積分，到重新站到德國嘅起跑線再贏一次——呢個過程，好少人做得到。主辦方當年選擇「唔即時暫停」，到而家事件變咗佢全球嘅標簽，冷處理嘅代價，最後由一個運動員背咗。
