TVB戀愛真人騷《女神配對計劃2》第9集（《女神2》）昨日播出，「水上騎膊馬」大混戰除揭示7大女神嘅戰鬥力，仲帶出求愛勇者嘅男女相處特質。

成集最引發爭議，係俞鋆瑞（Ice）對異性嘅「零邊界感」。原本同陳星妤（Yvette）一組嘅Ice，為咗爭勝不斷同Yvette「咬耳仔」，仲幫佢按摩「增加戰鬥力」。

姣姐講多句：真人騷最擅長嘅就係剪呢啲「尷尬反差」場面，製造衝突係節目組本行。但「邊界感」呢個字，係唔係真係男女相處嘅真問題？唔好真當係純笑料睇。

—— 黃姣姐整合｜頂硬上