李幸倪喺「乳健同行2026」粉紅步行分享近況，話今個月月初拉頸、月中又整親膝頭，去廁所、上落床都靠拐仗，終於認清：要識得同自己講「量力而為」。
今個粉紅十月，香港乳癌基金會年度慈善步行「乳健同行2026」喺10月25日於港島山頂舉行，近2,000位身穿粉紅服飾的乳癌患者、康復者及社會人士由山頂道花園步行至山頂凌霄閣，為「粉紅十月」添上最温暖有力嘅一幕。
活動宣傳大使李幸倪（Gin Lee）、基金會大使廖碧兒及琦琦，同歌手黃博、詹天文、鄭芷淇及林智樂均現身支持。Gin Lee早喺2023年已出席過「乳健同行」，被現場嘅「粉紅力量」感動，今年正式成為宣傳大使，希望更多人支持乳癌社群及基金會嘅工作。
不過呢場粉紅潮入面最搶鏡嘅，可能係Gin Lee喺傳媒面前自爆自己近個月嘅「悲劇」：由廿歲起開始年年身體檢查、平時好鍾意運動嘅佢，除了打匹克球同做普拉提之外仲會做瑜伽，今個月月初先拉傷頸、月中就整親膝頭，搞到去廁所、上落床都有問題，甚至要用拐仗行路。
資料圖片：Pixabay
佢話原本以為做啲「簡單伸展動作冇問題」，「諗住可以加多少少運動量，以會簡單動作可以做到」，冇料到拉傷收場，原來「錫住」同現實之間距離好大。
Gin Lee表示擔任宣傳大使既開心又榮幸，尤其認同基金會透過教育、乳房檢查及不同支援，陪伴患者與家人，「讓他們知道，他們並不孤單。」佢希望透過呢個平台，讓人更認識基金會、關心乳房健康。
琦琦今年亦再度到場，佢話每年見到參與隊伍愈來愈壯大、支持嘅人愈來愈多都感到開心，希望用自己嘅力量，呼籲更多人支持乳癌患者及康復者，將關懷傳遞予她們。
粉紅十月，記得定期做乳健檢查。同埋，做運動要識得自己身體承受幾多，唔好勉強，量力而為。
黃姣姐整合｜頂硬上
