《愛‧回家之三代三糖》今晚（26日）播「龔喜駕到」，樊亦敏、歐瑞偉登場，二人各有不同造型。樊亦敏角色設定浮誇樂觀，打扮特別過人；歐瑞偉則穿西裝配手槍，扮特務。
日前街頭宣傳玩遊戲時，由於樊亦敏喺《開心速遞》演嘅「三太」太深入民心，在場一眾演員改唔到口，不停喊她做「三太」，笑爆全場。
樊亦敏笑稱：「冇所謂！但係依家可以嗌做三太『龔喜』！其實你哋嗌我做乜都OK，最緊要就係『返屋企』！」車婉婉話相信觀眾看多幾集之後，會改口。
車婉婉又話劇組已經為樊亦敏安排咗好多造型，相信大家睇到會笑出嚟；因為拍攝時間倉猝，大家都會不停拋橋，盡量做好。
資料圖片：Pixabay
劇情設定係KC纏住龔喜，樊亦敏感慨自己好似「第三者」：「我都知大家係想睇佢同Terry李偉健，搞到我而家好似第三者咁樣，有少少呷醋！不過大家會睇到KC嘅唔同面向，佢仲會英雄救美，有打戲嘅！」
被問到樊亦敏、歐瑞偉登場係咪用嚟撼HOY處境劇《你的保安 李寶安》，二人立即轉話題：「嗱！而家講返TVB嘅嘢先！我哋出場嗰一集叫『龔喜駕到』，係好吉利嘅！好似財神咁樣，嚟到屋企唔係唔接呀嘛！」
二人又話上次合作係《大醬園》，徐榮都有份，坦言默契十足。回憶當年拍攝好熱，大家「真係一條筋一齊抹汗」，仲笑話如果將當時降温情況拍出來，會笑料百出兼可以做幾多集。
姣姐講多句：演咗幾年三太，新角色一出，全場口頭禪都改唔到，呢種「角色洗唔乾淨」嘅尷尬，係演員嘅榮耀亦係演員嘅災。
黃姣姐整合｜頂硬上
