粉紅菜籃玩唔成，直接請人飛過去
原來芬蘭人害羞到連「搭訕」都要靠政府出錢。根據 Visit Finland 官方活動網頁，呢個「Finnish Dinner Date」由芬蘭國家旅遊局推出，屬「全額贊助（Fully Funded）」活動，將全球招募 16 位單身人士，包機票食宿免費去芬蘭 4 日。
行程定喺 2027 年 2 月 9 日至 19 日。16 人分兩組、每組 8 人，分別去赫爾辛基（Helsinki）或坦佩雷（Tampere），事前唔知自己派咗去邊城，確認參加先知，真係盲盒。重頭戲係每組 8 位外國人同 2 位本地單身人士同席食晚餐：赫爾辛基菜單由 Café Savoy 主廚 Adele Kinnunen 設計，坦佩雷由名廚 Henry Tikkanen 掌舵。
源起：粉紅菜籃
呢個搞法背後有個超爆笑前因。當地超市曾搞過「Sinkkukori」（單身菜籃）社交實驗，提供粉紅色菜籃，讓單身人士購物車時低調表示「歡迎認識新朋友」。但芬蘭人性格普遍害羞、非常注重 me time，拿住粉紅菜籃都唔敢同人搭訕，實驗效果不如預期。旅遊局索性「升級玩法」，免費包飛機把外國單身人士直接飛到芬蘭人面前約會。
報名條件
門檻超親民：年滿 18 歲單身、非芬蘭公民或居民、識講基本英文就得，必須以個人名義獨立申請。但報名要拍英文短片自薦，並答一道題：「若要準備一頓約會晚餐，你會煮乜？點解？」完成後上載至 Instagram、TikTok 或 YouTube，加標籤 #FinnishDinnerDate 並標註官方帳號（IG: @ourfinland / TikTok: @visitfinland.com / YouTube: @VisitFinland）。IG 同 TikTok 帳號要設公開，YouTube 可設「不公開」（Unlisted）。最後填表加影片連結就得。
申請截止日期係芬蘭時間 2026 年 11 月 10 日上午 11 時 59 分，獲選名單喺 2026 年 12 月 1 日於 Visit Finland 嘅 IG 及 TikTok 公佈。
網民點睇
消息曝光後，網民把焦點放喺芬蘭人嗰個害羞形象，有笑話「要將芬蘭人嚇到不敢出門」，有人憶述去芬蘭玩喺路上隨手抓路人問郵筒點用、路人一臉驚恐嘅經歷。但好多人話報名要拍片自薦太 E 人，「仲以為淨係填表🥲 i 人亦收皮」。
要補充：呢個「約會」主要係綽頭。對上 2026 年初嘅「Have some Finnish」美食品嚐推廣（第一批試食團已喺拉普蘭同海岸與群島地區完成），呢檔 2027 年 2 月行程加入 Dating 元素，可謂「升級版」。主理方明確提醒，活動本質係多人社交食好西，實際無提供真正婚戀配對，亦唔保證揾到另一半。
姣姐講多句
講真呢個係「政府幫佢地脱單」嘅天花板案例。粉紅菜籃係 i 人版本「我唔阻礙你搭訕」，包飛機係「我直接幫你排」。如果報名人太成功，下年怕唔怕要加到 32 個名額？而「你去邊城係盲盒」呢個設定，連旅行團都冇呢啲刺激。真係 i 到要政府用機票補貼幫你社交。
黃姣姐整合｜頂硬上
