楊樂文(Lokman)、江𤒹生(AK)、王智德(Alton)同陳瑞輝(Frankie)組成嘅MIRROR「FING小組」，昨晚（31日）喺灣仔嘅户外騷SPOOKY Halloween 2026當表演嘉賓，跳唱咗《FING!》、《BRO!》同《DUM!》，四仔仲各自唱返自己嘅solo歌。唱完交棒畀韓國女團MEOVV，四仔同對方淨係「擦身而過」，冇機會上前打招呼，AK笑言喺台上遠遠目送，「心跳加速卜卜跳」。
被問到個萬聖節點樣，四仔自爆曾聯手cosplay一個「包到實」嘅超級英雄，奈何服裝質地麻麻，加埋眼罩模糊到睇唔到嘢，英雄喺街上只逗留咗五至十分鐘就「打退堂鼓」返屋企。Alton仲豪爽話，「嗰個英雄人物一街都係，你揾張相夠4個就係我哋！」
重頭戲係剛播畢嘅團綜《MIRROR ACE》。Alton被問公仔抱姜濤那段，佢話「突破極限，或者喺極限位停留咗一陣，然後我覺得安全第一，都係要退返落嚟」，仲聲稱拍攝當晚飲咗酒，「淨記得當刻突然分到光暗，我懷疑椎間盤有少少突出。」至於拗手瓜，係Jer秒殺咗Alton，四仔被問邊個環節較高危，AK仲補充「佢啱啱升到新嘅力度，唔係幾識控制」。講到Jer喺尋寶遊戲反賣Edan奪現金，四仔反應即「意想不到」，AK只評價「佢太瞭解Edan」。
講到呢一輯節目嘅定位，AK一句「今次遊戲幾有趣味，團con前的Team building」，將團綜直接包裝成演唱會前嘅團隊培訓——仲話好多未播嘅「出得街」廢噏片段，「全廢話，但幾好笑㗎」，可惜冇剪入嚟。
至於大表Stanley嘅峇里婚禮，FING四仔話「原已計劃出席」，但臨時各有工作調動而缺席，被網民指「同事關係」。Lokman回應：「我冇點睇外界揣測喎，有啲嘢自己知咪得囉。就算我呢刻同晒所有人解釋，都可能唔會改變。」AK則語氣平靜：「大家只係想聽自己想聽嘅答案……尊重大家諗法，你哋要咁諗都無所謂，件事我哋自己知，（網上揣測）我哋唔take。」
姣姐講多句：將團綜形容成「演唱會前嘅Team building」，就似HR出頭講「上星期嘅酒吧包廂，我哋當作係行業交流」——官方講法寫到呢度，仲需要再解釋嗎？
黃姣姐整合｜頂硬上
