上星期三，田納西州對 50 歲死囚 Christa Pike 執行死刑。注射兩針致命藥物後，藥物未能令其死亡，Pike 開始打鼾，當局隨即將她送往納什維爾醫院。
Pike 於 1995 年 1 月（時年 18 歲）因殺害 19 歲同學 Colleen Slemmer 被定罪，1996 年（時年 20 歲）被判死刑，喺死囚牢房度咗近三十年。佢現仍喺醫院病房戴著手銬接受治療。
佢嘅律師 Stephen Ferrell 指 Pike 經歷咗「一次殘酷而痛苦嘅死刑嘗試」，要求「至少州長應將死刑改判無期」。律師團早前曾嘗試阻止執行，稱注射體驗會勾起 Pike 童年遭受身心及性虐待嘅創傷回憶，構成「殘酷不人道嘅刑罰」。
田納西州長已宣佈今年不再進行死刑執行。呢個決定令排定今年 12 月被執行嘅 57 歲死囚 Gary Wayne Sutton 嘅死刑暫時擱置。
Sutton 喺死囚牢房待咗 34 年，佢同叔父被判定射殺 Tommy Griffin（24 歲），Connie Branam（34 歲）則喺一輛燒燬嘅車輛中被發現；兩人係姐弟。Sutton 一直喊冤。佢嘅律師聲明：「冇人應該被迫經歷 Christa Pike 呢個星期同 Tony Carruthers 五月份經歷嘅嘢。」又稱「感恩 Gary 嘅執行被暫停」。
Tony Carruthers 係另一田納西死囚，五月份執行因官員找不到靜脈注射位而被迫中止，未有藥物被注入。
硬蕉抽兩句：同一個州，同樣一套死刑程序，一個囚犯因「失敗」死裡逃生，另一個因「暫停」而多撐幾個月。「法治」保護嘅，原來唔係正義，係程序成功定失敗嘅運氣。
硬蕉哥整合｜頂硬上
