71歲嘅「不老女神」趙雅芝，近日喺杭州被拍到一段情緒失控嘅片段。當日佢冒雨趕到西湖邊，與朋友一齊食「西湖醋魚」同特製「素貞糕」，開頭仲狀態大勇、講笑話，食到「素貞糕」嗰陣，突然無預警爆喊，用手遮住大半張臉，朋友全懵。

朋友：「你笑點同正常人唔喺一條線」

最爆笑嘅係身邊朋友全冇反應。佢哋開玩笑問「係咪好吃到哭？」，仲指佢「笑點莫名其妙，笑點跟正常人都不在一條線上」。趙雅芝自己都講唔出點解，支支吾吾冇法解釋。

雖然片段字幕寫住「根本控制不住自己」、「被戳中笑穴」，但心細網民都指呢唔係單純「笑到喊」，係情緒突然崩潰。

呢唔係第一次

其實去年 7 月 25 日，趙雅芝已經喺一個內地活動退到後台後突然爆喊，同樣用手遮面，嚇到身邊工作人員全懵。當時佢身穿紅色中式套裙，喺台上仲係專業完成工作，退到後台就冇摣住。

姣姐講多句

講真，71 歲仲要四處「揾真銀」養家，全中國馬不停蹄跑商演，抖音粉絲近 1,300 萬，呢個 workload 真係好重。網民都擔心佢長年高壓下精神超負荷，呢啲情緒波動唔係鬧著玩。

做公眾人物，笑臉係工作，但情緒唔係表演。希望佢好快好返，都好好歇下。🍵

黃姣姐整合｜頂硬上