韓國釜山北港親水公園一條水道被「小北港」鯊霸咗，海警攪唔走，大學研究員就搭個網站讓市民追蹤「佢今日喺唔喺」。
小北港就係嗰條「網紅鯊」，9月18日喺韓國釜山北港親水公園一條狹窄水道被發現，受困後死都唔肯游返海。海警同相關單位曾經努力想將佢「勸退」，但小北港好似對呢度水道好有感情，始終不願意離開。到10月8日，已累積破百萬人次到場一睹「小北港」真貌。
更癲嘅係，喺呢個資訊爆炸嘅年代，竟然有人為一條鯊魚開發咗追蹤網站。釜慶大學系統經營安全工學部研究員李努雅，用唔到一日就架設好「小北港現在在嗎？」網站，讓市民同觀光客隨時查詢鯊魚最新位置，仲提供親水公園交通同開放時間。到8日，網站已累積破2萬8000次造訪。
成件事起因係小北港出現後，李努雅自己去親水公園睇咗鯊魚，隔日返到研究室，其他人好奇問佢「喺邊度見到鯊魚」「鯊魚仲喺唔喺」，佢即時諗到做個能供應呢啲資訊嘅服務「應該滿有趣的」。
但因為係民眾自行上載照片，有人惡作劇上傳非鯊魚照片，所以佢加咗個AI模型審核機制，自動辨識上載嘅係唔係鯊魚。
李努雅目前喺釜慶大學攻讀碩士，主攻AI結合日常生活嘅應用。佢話，小北港嘅出現剛好讓他將專長同現實結合，「心情非常棒」，亦覺得「很神奇」。佢細個喺釜山長大，看到外國人對釜山產生興趣，佢覺得「非常有趣」。
佢同時強調，網站會繼續運作，並發揮「擴音器」功能，提醒市民守則：鯊魚出現時唔好推擠，晚上唔好用電筒照鯊魚。
硬蕉抽兩句：一條鯊魚「霸」咗條水道，海警攪唔走，最後一個攻讀碩士嘅研究員用AI搞掂。呢個就係2026年嘅「奇觀」：科技嘅發展，令我哋可以隨時隨地查詢一條鯊魚有冇喺度。民主自由，由「小北港在不在」問起。
硬蕉哥整合｜頂硬上
