成人題材｜18+
巴西42歲男子吉爾伯托（Gilberto Nogueira de Oliveira）喺2023年12月22日，即妻子戴安妮（Daiane dos Santos Farias）生日當日，被揭發出軌。怒火中燒嘅戴安妮先誘佢進行親密行為，再用內褲綁住其雙手，掏剃刀切下其生殖器並沖入馬桶。吉爾伯托獲救，戴安妮因重傷害罪被判處4年8個月監禁。
送醫期間另爆出醜聞：醫護人員以「罕見病例需拍照評估」為名，獲佢同意拍攝傷口，照片後來竟經WhatsApp群組流出，並喺社交平台X上瘋傳。警方調查確認源自阿蒂巴亞聖家醫院（Santa Casa de Atibaia）電腦，法院判醫療中心支付2萬巴西里亞爾（約3萬港元）精神賠償；吉爾伯托不滿金額過低，已上訴要求提高。
2025年11月戴安妮獲假釋後，吉爾伯托主動聯絡表達思念，兩人復合。佢現計畫將賠償金用於安裝人工陰莖嘅部分費用，並籌辦第二次婚禮。面對質疑，佢為妻辯護，稱對方只是「一時衝動」，並表示：「我真的很想跟她在一起，我依然愛她，從未想過要對她做任何壞事。」目前佢已喺公立醫院接受術前血液檢查，盼獲公共醫療補助。
硬蕉抽兩句：呢單嘢表面荒誕到似鬧劇，但冇乜好笑。妻子施以如此殘酷暴力，社會只以「一時衝動」輕輕帶過，佢哋嘅「復合」更令呢宗重傷害案似咁消失。暴力從來唔係「愛」嘅副產品，無論受害者係男係女，咁大傷痕同司法紀錄唔該被當作笑料，而該被當作警示。
